教育王國

標題: 跨區是否風險大 [打印本頁]

作者: heiB 時間: 11-9-22 14:00 標題: 跨區是否風險大

小兒學校提議頭25名內的學生可作嘗試跨區，因為小兒的校網是TKO，英中較少，但我覺得風險大。因為有聽聞有小朋友考第三名，因面試跨區的學校失敗，最後入了第八志願。那位同學最後要四出叩門才考上了本區的Band 1中學，但係家人同小朋友就担心了很久。我的想法是否很保守，不夠進取呢?

作者: twcho 時間: 11-9-22 18:25

自行收生階段同學們可以向全港任何參加派位中學，一般Band1中學最看重的都會是「申請學生成績次第名單」排名，跨不跨區並不重要。

作者: fallenleaf 時間: 11-9-22 19:11

原帖由 heiB 於 11-9-22 14:00 發表
小兒學校提議頭25名內的學生可作嘗試跨區，因為小兒的校網是TKO，英中較少，但我覺得風險大。因為有聽聞有小朋友考第三名，因面試跨區的學校失敗，最後入了第八志願。那位同學最後要四出叩門才考上了本區的Band 1中學，但係家人 ...

其實你呢道有幾個問題。第一，25名內可作跨區。我相信這25名應該是你地學校band 1生的範圍，並且提議在自行收生階段揀選適合的學校，因自行收生階段是沒有區域限制的。第二，因面試失敗最後入了第八志願。唔明白面試跟第八志願有乜野關係。一個係自行收生的面試部份，一個係甲乙部大抽獎部份。派去第八志願係填表填得唔好加上冇運。面試失敗又係另一回事。
呢種情況係將軍澳由來已久的問題。已前將軍澳band 1中學唔多，得一間迦密主恩，好多band 1生唯有出外到鄰近地方，包括官塘、東區和灣仔發展。這班師兄師姐在外區發展得幾好，並得到認同，呢兩年還有狀元出自將軍澳。由於有師兄師姐的庛蔭，於是每年將軍澳都有很多band 1生往外闖，學校亦開始心紅。近年張祝珊、庛理羅士、皇仁，甚至較遠的英皇都有好多學生來自將軍澳。
做得過江龍，都要考慮自己有沒有競爭力，如果係band 1尾的不是跨區就可以死搏難搏，知己知彼！
至於派到第八志願，呢個肯定同李跳橋心態一樣，唔識買保險。學識買保險，進取些又何防！

作者: heiB 時間: 11-9-23 09:44 標題: 回覆 1# fallenleaf 的文章

謝謝你的意見。你講得對，學校真的鼓勵band 1範圍的學生選取區外較出名的英中。如果是很過名次的，就鼓勵選張祝珊、庛理羅士、皇仁，如果較低的，就鼓勵選較二線的英中如順利天主教，聖馬可。
以我個人意見如選較二線的英中，為何不選迦密主恩，TKO官立中學，宣基及景領。起碼上學路程不需要咁遠。
我的想法是否太保守呢?

作者: redkoni 時間: 11-9-23 10:49

在自行分配階段選校, 報名學生可以來自全港各區, 高手如雲, 所以簡單一句, 「實力至上」! 你有實力的話, 選那間都不算進取, 對應你這標題, 如果你不夠實力, 自行就算選本區也一樣風險大, 唯一好處是可能會少d外區人入嚟將軍澳同你爭.

作者: heiB 時間: 11-9-23 13:13 標題: 回覆 1# redkoni 的文章

可能會少d外區人入嚟將軍澳同你爭.
絕對同意.

作者: mchoy 時間: 11-9-23 13:32

本人家住北區，小朋友小學在屯門，暫時banding 應不是邊緣人，如轉回北區網，請問會否跌band？謝謝。

作者: Chau444 時間: 11-9-23 13:34

我有時想, 如果跨區, 只可自行+甲部填選該校. 但如果不跨區, 自行+甲部+乙部都可填選該校, 機會率相對是否會高一些?

例如本區內很少女校, 如果心儀他區的女校, 又是否該自行投考呢? 還是留在本區內選男女校機會率相對是否會高一些?

不知我這樣想是否算得太盡? 但大前提當然是band2生就選band2學校, 不是積極進取選band1A的學校. 請大家指教.

作者: redkoni 時間: 11-9-23 14:53

原帖由 mchoy 於 11-9-23 13:32 發表
本人家住北區，小朋友小學在屯門，暫時banding 應不是邊緣人，如轉回北區網，請問會否跌band？謝謝。

如果不是邊緣人, Banding大致不受影響, 但始終沒有絕對, 因為屯門區校網學生Banding巳經是靠估, 申請跨網派位後, 自己學校無法幫你比較往績, 連估都無得估, 只能信自己.

作者: mchoy 時間: 11-9-23 17:32

Dear redkoni,

謝謝你的回覆。 Thanks！

作者: redkoni 時間: 11-9-23 19:37

原帖由 mchoy 於 11-9-23 17:32 發表
Dear redkoni,

謝謝你的回覆。 Thanks！

唔使客氣! 你的小朋友能夠克服舟車勞頓, 抵讚.

歡迎光臨教育王國 (/)